"Կոնվերս բանկը" հնարավորություն է ընձեռում ֆիզիկական (խնայողական հաշիվ) և իրավաբանական (ընթացիկ հաշիվ) անձանց բացել և վարել բանկային հաշիվ` շահավետ պայմաններով: Դառնալով "Կոնվերս բանկի" հաշվետեր` հաճախորդներին հնարավորություն է ընձեռվում կառավարել իրենց հաշիվները և on-line ռեժիմով, օգտվել բանկի բոլոր ծառայություններից բանկի Գլխամասային գրասենյակում և մասնաճյուղերում, ինչպես նաև առանց բանկ հաճախելու կառավարել հաշիվները բանկի տարատեսակ հեռակառավարման համակարգերի միջոցով:

Բանկը հաճախորդների համար բացում է դրամային և/կամ արտարժութային հաշիվ /հաշիվներ/, իրականացնում հաշվի /հաշիվների/ համալիր սպասարկում և հաճախորդի հանձնարարությամբ այն բոլոր հաշվարկային և դրամարկղային գործառնությունները, որոնք ՀՀ իրավական ակտերով արգելված չեն ՀՀ ռեզիդենտ և ոչ ռեզիդենտ իրավաբանական ու ֆիզիկական անձանց համար:

Հաճախորդը կարող է հաշիվներով կատարել դրամական միջոցների մուտքագրման և ելքագրման գործառնություններ:

Մուտքագրում

• կանխիկ` մուտքագրումը կատարվում է հաճախորդի կողմից միջոցների մուտքագրման պահին
• անկանխիկ` վճարման հանձնարարականի ստացման պահին

Ելքագրում

• կանխիկ
• անկանխիկ

Հաշիվների քաղվածքները, տեղեկատվական ամփոփագիրը և հաշիվներին վերաբերող այլ տեղեկությունները կարող է տրամադրվել հաճախորդի կողմից նախընտրելի տարբերակով` առձեռն, փոստով կամ էլ. փոստով, Ինտերնետ-բանկ կամ Բանկ-հաճախորդ համակարգերից մեկով անվճար` լրացնելով համապատասխան "Տեղեկատվության տրամադրման հայտը", իսկ քաղվածքների կրկնօրինակները տրամադրվում են բանկի կողմից սահմանված սակագների համաձայն: 

Հաշվի սպասարկման սակագներ և դրույքներ

¹Ընթացիկ հաշիվը բացվում է միայն իրավաբանական անձանց և անհատ ձեռնարկատերերի համար, իսկ խնայողական հաշիվը բացվում է միայն ֆիզիկական անձանց համար:
²Բացառությամբ թղթակցային հաշիվների, հատուկ, տարանցիկ և նպատակային հաշիվների, որոնց վրա տոկոսները հաշվարկվում և վճարվում են համաձայն պայմանագրերի, մնացած դեպքերում տոկոսների վճարումը կատարվում է եռամսյակը հաջորդող առաջին հինգ բանկային օրվա ընթացքում:
*Կիրառվում է այն դեպքերում, երբ փակվում է հաճախորդի վերջին հաշիվը և դադարեցվում է բանկ-հաճախորդ հարաբերությունը: 

Հաշվի բացման պայմանները ֆիզիկական անձանց համար

Հաշվի բացման պայմանները իրավաբանական անձանց համար

Հաշվի բացման պայմանները անհատ ձեռնարկատերերի համար

Անվճարունակության և նպատակային հաշիվների բացման պայմաններ

Բանկային հաշիվների ուղեցույց

Հարգելի հաճախորդներ,

Խնդրում ենք առավել ուշադրությամբ կարդալ ներքոնշյալը. 

Հաճախորդի հաշվում առկա միջոցների նկատմամբ տոկոսագումարները հաշվարկվում են անվանական տոկոսադրույքի հիման վրա: Իսկ տարեկան տոկոսային եկամտաբերությունը ցույց է տալիս, թե որքան եկամուտ է հնարավոր ստանալ, եթե ավանդի դիմաց ստացված տոկոսագումարները վերաներդրվեն ավանդի տեսքով: Տարեկան տոկոսային եկամտաբերության հաշվարկման կարգը և օրինակը կարող եք գտնել ներքոնշյալ հղումում.
Հաշվի մնացորդի նկատմամբ տոկոսների հաշվարկման, հաշվեգրման կարգը և օրինակը: 

Բանկն իրավունք ունի լուծել հաճախորդի հետ կնքված պայմանագիրը, եթե.

• հաճախորդի կողմից խախտվել է Պայմանագրով նախատեսված կետերից որևէ մեկը,
• առկա են ՀՀ նորմատիվ իրավական ակտերով դրա համար նախատեսված այլ հիմքեր: 

Բոլոր բանկային (խնայողական, ավանդային և այլ) հաշիվները և դրանում եղած դրամական միջոցները տնօրինելու հաճախորդի իրավունքները կարող են սահմանափակվել դատարանի վճռով դատական ակտերի հարկադիր կատարումն ապահովող մարմինների կամ հարկային մարմինների կողմից ներկայացված հայտի հիման վրա: Մինչև հաշիվների նկատմամբ արգելանք դնելը բանկն իրավունք չունի հաշվետիրոջը հայտնել արգելանքի մասին: Արգելանքի մասին հաշվետերն անմիջապես տեղեկանում է արգելադրված հաշիվներով առաջին գործառնությունը կատարելու պահին` բանկի տարածքում:

Առանց հաճախորդի կարգադրության հաշվից դրամական միջոցների բռնագանձումը կարող է իրականացվել դատարանի վճռով դատական ակտերի հարկադիր կատարումն ապահովող մարմինների և հարկային մարմինների կողմից ներկայացված հայտի հիման վրա: Դրանք արտացոլվում են հաճախորդի բանկային հաշիվների քաղվածքներում, որոնք բանկի և հաճախորդի միջև համաձայնեցված կարգով տրամադրվում են հաճախորդին:

Ընթացիկ և խնայողական հաշիվների բացման և վարման կարգ

          Ծանուցում ավանդների հատուցման երաշխավորման պայմանների և կարգի մասին   

                Ծանուցում ֆինանսական հաշտարարի վերաբերյալ

Տեղեկացնում ենք, որ "Ֆինանսական համակարգի հաշտարարի մասին" ՀՀ օրենքի համաձայն` Դուք կարող եք "Կոնվերս բանկ" ՓԲԸ կողմից Ձեզ մատուցվող ծառայությունների և տասը միլիոն ՀՀ դրամը կամ համարժեք արժույթով գումարը չգերազանցելու գույքային պահանջ ներկայացնել ֆինանսական համակարգի հաշտարարի քննությանը:

Հարգելի հաճախորդներ,
Մանրամասն տեղեկությունների համար կարող եք դիմել բանկի Գլխամասային գրասենյակ` Հանրապետության հրապարակ, Վազգեն Սարգսյան 26/1 հասցով կամ զանգահարել 511200, 511211 հեռախոսահամարներով, ինչպես նաև բանկի բոլոր մասնաճյուղերին` հետևյալ հասցեներով և հեռախոսահամարներով: