"Կոնվերս բանկ" ՓԲԸ-ն առաջարկում է ռեզիդենտ և ոչ ռեզիդենտ ֆիզիկական անձանց ընթացիկ հաշիվ բացել բանկում և օգտվել բանկի բոլոր ծառայություններից շահավետ պայմաններով: Հաշիվ բացելու համար անհրաժեշտ է բանկ ներկայացնել ներքոնշյալ փաստաթղթերը.
Հաճախորդի կողմից ներկայացվող`

• անձը և քաղաքացիությունը հաստատող փաստաթուղթ /անձնագիր կամ զինվորական գրքույկ/
• սոցիալական գրանցման քարտը կամ դրա բացակայությունը հաստատող փաստաթուղթ /միայն ՀՀ ռեզիդենտների դեպքում/

Բանկի կողմից տրամադրված ձևաթղթերով`

• Հաշվի բացման դիմում /ֆիզիկական անձանց համար/ (լրացնել)

"Հաշվի բացման դիմում" փաստաթուղթը կարող եք նաև նախապես ուղարկել բանկ ինտերնետային կայքի միջոցով, որի հիման վրա բանկում կռեզերվացվի հաշիվ: Այս դեպքում անհրաժեշտ է 7 օրվա ընթացքում բանկ ուղարկել վերոհիշյալ փաստաթղթերը: Պահանջվող փաստաթղթերի ներկայացումից հետո "Կոնվերս բանկի" և հաճախորդի միջև կնքվում է նաև "Բանկային հաշվի/հաշիվների բացման և վարման մասին պայմանագիր" (լրացնել):
Եթե քաղվածքների տրամադրման համար նշել եք "ինտերնետով" տարբերակը, ապա անհրաժեշտ փաստաթղթերի փաթեթի հետ պետք է ուղարկել նաև "Էլեկտրոնային եղանակով ընթացիկ հաշիվների քաղվածքներ դիտելու հայտը" (լրացնել):
Դուք հնարավորություն ունեք նաև Ձեր հաշվի քաղվածքները դիտել անմիջապես բանկի ինտերնետային կայքից` գրանցվելով "Իմ Կոնվերս" համակարգում:
"Կոնվերս բանկում" կարող են բացվել նաև համատեղ հաշիվներ. նման դեպքում, եթե հաշվի կառավարման իրավունք է տրվում հաշվետերերին առանձին, ապա ներկայացվում է մյուսների կողմից գրավոր թույլտվություն` վավերացված նոտարական կարգով:
"Կոնվերս բանկ" ներկայացնել պահանջվող փաստաթղթերի բնօրինակները կամ նոտարական կարգով վավերացված պատճենները, բացառությամբ այն փաստաթղթերի, որոնք տրվում են բանկի կողմից: