Նոր Հաճնում մարզահրապարակի բացմամբ Կոնվերս Բանկը ավարտել է առողջ ապրելակերպի խրախուսման մասշտաբային ծրագիրը
12.11.2019 - Նոյեմբերի 8-ին Նոր Հաճնում կայացել է Կոնվերս Բանկի ֆինանսավորմամբ կառուցված պրոֆեսիոնալ մարզահրապարակի բացման արարողությունը, որին ներկա էին հյուրեր տարածքային կառավարման և տեղական ինքնակառավարման մարմիններից, Կոնվերս Բանկի և StreetWorkOut հայաստանյան ֆեդերացիայից ներկայացուցիչներ, Նոր Հաճնի բնակիչներ: Հայաստանում և Արցախում պրոֆեսիոնալ մարզահրապարակների շինարարության նախագիծը մեկնարկել էր նախորդ տարի՝ Կոնվերս Բանկի հիմնադրման 25-ամյակի միջոցառումների շրջանակում: Արդյունքում, մարզահրապարակներ են կառուցվել Բանկի գործընկեր 5 համայնքում՝ Երևանում, Շուշիում, Գյումրիում, Մեծամորում և Նոր Հաճնում: Նախագծի ընդհանուր արժեքը մոտ 24 մլն դրամ է:
Կոնվերս Բանկի աջակցությամբ կառուցված Փոքր բեմում սեպտեմբերի 17-ին ներկայացման պրեմիերա էր
17.09.2019 - Սեպտեմբերի 17-ին Գ. Սունդուկյանի անվան ազգային ակադեմիական թատրոնի փոքր բեմում(Black box) տեղի ունեցավ Մաթեի Վիշնիեկի "Ռիչարդ Երրորդը տեղի չի ունենա կամ դրվագներ Մեյերխոլդի կյանքից" պիեսի բեմադրության պրեմիերան: Ողջունելով Մայր թատրոնի Փոքր բեմի առաջին հանդիսատեսին, թատրոնի տնօրեն Վարդան Մկրտչյանը նշեց, որ դրա շինարարությունը և պրեմիերան անհնար կլինեին առանց գործընկեր Կոնվերս Բանկի աջակցության: "Երբ մեկ տարի առաջ նախաձեռնեցինք Փոքր բեմի շինարարությունը, շատերը հոռետեսորեն վերաբերեցին դրան: Իսկ Կոնվերս Բանկը վստահեց մեզ և իր ամենօրյա հոգածու վերաբերմունքով աջակցեց նախագծի հաջողությանը: Այսօր Հայաստանում թատրոնին կից միակ Black box-ում պրեմիերա է: Մենք ներկայացնելու ենք մի ստեղծագործություն, որտեղ արծարծվող թեմաները արդիական են նաև մեր օրերում և որոնք, վստահ եմ, հանդիսատեսին մտորումների բազում առիթներ կտան",-իր խոսքում ասաց նա՝ Կոնվերս Բանկին շնորհակալություն հայտնելով արգասաբեր համագործակցության համար:
Կոնվերս Բանկը աջակցել է սահմանամերձ գյուղերից երեխաների մասնակցությանը "Թումո" ամառային ճամբարին
14.07.2019 - Կոնվերս Բանկի աջակցությամբ Տավուշի մարզից երկու երեխա մասնակցել է "Թումո" ստեղծարար տեխնոլոգիաների կենտրոնի ամառային ճամբարին: "Կրթության խրախուսումը Կոնվերս Բանկի Կորպորատիվ սոցիալական պատասխանատվության ծրագրի կարևորագույն բաղադրիչներից է: "Թումո" ստեղծարար տեխնոլոգիաների կենտրոնի հետ Կոնվերս Բանկը համագործակցում է արդեն 5 տարի՝ Հայաստանի սահմանամերձ գյուղերից երեխաներին հնարավորություն տալով մասնակցել կենտրոնի ամառային ճամբարին և ստանալ նոր գիտելիքներ",- ասել են Կոնվերս Բանկում:
Ամփոփվել են Լոռվա գույներ մրցույթի արդյունքները
31.05.2019 - Կոնվերս Բանկում ամփոփել են Հովհաննես Թումանյանի 150-ամյակի կապակցությամբ հայտարարված Լոռվա գույներ մրցույթի արդյունքները: Ընդհանուր առմամբ, մրցույթին մասնակցել է մինչև 12 տարեկան մոտ 250 երեխա: Մրցանակներ են ստացել ֆեսյբուքյան հարթակում մրցույթի արդյունքներով առավելագույն քանակի քվեներ ստացած կամ «Բանկի ընտրություն»-ը դարձած 10-ը մասնակիցները: Խրախուսական նվերներ են հանձնվել բոլոր մասնակիցներին, ինչպես նաև Հովհաննես Թումանյանի կյանքին և ստեղծագործությանը նվիրված վիկտորինայի հաղթողներին:
Էնկուենտրոս խմբին ունկնդիրը ջերմությամբ է ընդունել
21.04.2019 - Ավարտվել են Էնկուենտրոս խմբի երևանյան ելույթները: Ապրիլի 12-ին և 18-ին կայացած համերգների շրջանակում արգենտինահայ հայտնի երգահան Ալիսիա Թերզյանի խումբը հայ հանդիսատեսին է ներկայացրել 20 և 21-րդ դարերի հայտնի կոմպոզիտորների՝ այդ թվում Աստոր Պիացոլլայի և Անիբալ Տրոյլոյի ստեղծագործություններ, երգեր և պարային կատարումներ: "Մենք միշտ սիրով ենք այցելում Հայաստան և ամեն անգամ հանդիսատեսի առջև ներկայանում նոր, թարմ ծրագրով: Այս այցելությունը ևս բացառություն չէր. Թեև մենք որպես կանոն դասական երաժշտություն ենք կատարում, այս անգամ որոշեցինք հայ ունկնդրին ներկայանալ տանգոյի կատարումներով, ինչը մեծ ջերմությամբ ընդունվեց հանդիսատեսի կողմից",-ասաց Ալիսիա Թերզյանը:
Հայտարարում ենք Թումանյանի 150-ամյակին նվիրված մրցույթ
16.04.2019 - Կոնվերս Բանկը սկսում է մրցույթների շարք՝ նվիրված հայ մեծերին, ում հոբելյանն ենք նշում այս տարի: Սա Կոնվերս Բանկի հերթական մշակութային նախաձեռնությունն է, որի նպատակն է հայ մեծանուն գրողների մշակութային ժառանգության հանրայնացումը, նրանց ստեղծագործությունների նկատմամբ հետաքրքրության խթանումը: Մրցույթներից առաջինը կիրականացվի ապրիլի 1-ից մայիսի 15-ը և նվիրված կլինի հայ մեծանուն գրող Հովհաննես Թումանյանի 150-ամյակին: Թումանյանի ստեղծագործությունների հիման վրա #Լոռվագույներ խորագրով գեղանկարչական աշխատանքների մրցույթը նախատեսված է մինչև 12 տարեկանների համար: