"Կոնվերս բանկ" ՓԲԸ-ն` VISA INTERNATIONAL-ի հետ համատեղ անցկացնում է "Կոնվերս. VISA BOOM" բոնուսային ակցիան
28.10.2009
BOOM
2009թ. նոյեմբերի 1-ից մինչև 2010թ. հունվարի 31-ը
"Կոնվերս բանկ" ՓԲԸ-ն` VISA INTERNATIONAL-ի հետ համատեղ այս տարվա նոյեմբերի 1-ից մինչև եկող տարվա հունվարի 31-ը անցկացնում է "Կոնվերս VISA BOOM" բոնուսային ակցիան:
Դիտեք "Կոնվերս VISA BOOM" բոնուսային ակցիայի գովազդային տեսահոլովակը.
Ակցիան նպատակ ունի առևտրային կետերում շահագրգռել "Կոնվերս բանկ" ՓԲԸ-ի VISA քարտապանների կողմից անկանխիկ գործարքների իրականացումը: Ակցիայի շրջանակներում VISA քարտեր սպասարկող աշխարհի շուրջ 25 միլիոն առևտրային կետերում իրականացվող յուրաքանչյուր 1000 ՀՀ դրամ գումարի դիմաց քարտապանը կստանա մեկ բոնուսային միավոր: Ընդ որում` մեկ անկանխիկ գործարքի դիմաց ստացվող առավելագույն բոնուսային միավորը 50-ն է:
Ակցիայի ավարտին առավելագույն բոնուսային միավորներ հավաքած 100 քարտապանների միջև կանցկացվի խաղարկություն, որոնք կարժանանան թանկարժեք մրցանակների: Ընդ որում` գլխավոր մրցանակի արժանացած քարտապանը երկու անձի համար կշահի ուղեգիր` դեպի վայելքների երկիր Դուբայ:
Տեղեկացնենք, որ ակցիայի ընթացքում VISA CLASSIC դեբետային քարտերի դիմաց հաճախորդներից չի գանձվի առաջին տարվա սպասարկման վարձը:
Հիշեցնենք, որ VISA INTERNATIONAL-ի հետ "Կոնվերս բանկը" նախկինում ևս նմանատիպ ակցիաներ իրականացրել է, որոնց արդյունքում գլխավոր մրցանակի արժանացած քարտապանները շահել են ուղևորություն դեպի Փարիզ` Դիսնեյ Լենդ, Թուրին, Եգիպտոս: