Անիմացիոն գովազդի մրցույթ՝ նվիրված Կոնվերս Բանկի 20-ամյակին
18.09.2013
Կոնվերս Բանկը եւ "ՌԵԱՆԻՄԱՆԻԱ" միջազգային անիմացիոն կինոփառատոնը հայտարարում են անիմացիոն հոլովակի մրցույթ ՝ նվիրված Կոնվերս Բանկի 20-ամյակին։
Մրցույթին կարող են մասնակցել 16-23 տարեկան երիտասարդներ, ովքեր պետք է պատրաստեն Կոնվերս Բանկի 20-ամյակին նվիրված 15-ից մինչեւ 30 վայրկյան տեւողությամբ անիմացիոն գովազդային հոլովակ եւ հանձնեն այն մինչեւ ս.թ. հոկտեմբերի 14-ը: Տեխնիկան՝ ազատ (2D, 3D, Stop Motion, Pixel Animation եւ այլն)
Հոլովակը դիտվելու եւ գնահատվելու է ժյուրիի կողմից, որի կազմում ընդգրկվելու են անիմացիոն ոլորտի տեղի եւ միջազգային մասնագետներ: Մասնակիցների գործերը ցուցադրվելու են "ՌԵԱՆԻՄԱՆԻԱ" փառատոնի ժամանակ:
Մրցանակաբաշխությունը տեղի կունենա փառատոնի փակմանը՝ հոկտեմբերի 31-ին:
Հաղթողների համար Կոնվերս Բանկը սահմանել է գումարային մրցանակներ.
- 1-ին մրցանակ ՝ 250.000 ՀՀ դրամ, ինչպես նաեւ Կոնվերս Բանկի կողմից 500.000 դրամ արժողությամբ նոր հոլովակի պատվեր:
- 2-րդ մրցանակ՝ 150.000 ՀՀ դրամ:
- 3-րդ մրցանակ՝ 100.000 ՀՀ դրամ: