Կոնվերս Բանկն ու Արմենիան Lիզինգ Քամփնին կհամագործակցեն Հայաստանում լիզինգի շուկայի զարգացման նպատակով
18.08.2020
Կոնվերս Բանկի ու Արմենիան Լիզինգ Քամփնի ընկերության /Արմլիզինգ/ միջև ստորագրվել է համագործակցության պայմանագիր: Դրա շրջանակում Արմլիզինգը Կոնվերս Բանկի կողմից առաջարկվող հաճախորդներին մատուցելու է մասնագիտացված լիզինգային ծառայություններ՝ սպասարկելու է լիզինգի բուն գործընթացը, տրամադրելու է տարաբնույթ այլ ծառայություններ՝ այդ թվում խորհրդատվություն: Իրականացվելու են ֆինանսավորման համատեղ նախագծեր, որոնց շրջանակում՝ համաֆինանսավորման սկզբունքով, հաճախորդներին են առաջարկվելու հատուկ պայմաններ:
Համագործակցության շրջանակում Արմլիզինգը կիրականացնի լիզինգային գործարքների ֆինանսավորում նաև Կոնվերս Բանկից ներգրավված ռեսուրսներով:
Կողմերը վստահություն են հայտնել, որ Կոնվերս Բանկի և Արմենիան Լիզինգ Քամփնի ընկերության համագործակցությունը կնպաստի Հայաստանում լիզինգի շուկայի զարգացմանը, Բանկի ու Արմլիզինգի հաճախորդների համար լիզինգի հնարավորությունների ընդլայնմանը:
Կոնվերս Բանկ ՓԲ և Արմենիան Լիզինգ Քամփնի ՈՒՎԿ ՓԲ ընկերությունները վերահսկվում են ՀՀ կենտրոնական բանկի կողմից։