"ԿՈՆՎԵՐՍ ԲԱՆԿ" ՓԲԸ ԿՈՂՄԻՑ ԹՈՂԱՐԿՎԱԾ ՀՀ ԴՐԱՄՈՎ ՊԱՐՏԱՏՈՄՍԵՐ
"Կոնվերս Բանկ" ՓԲԸ կողմից թողարկվել են ՀՀ դրամով պարտատոմսեր:
ՀՀ Կենտրոնական բանկի նախագահի 08/04/2022թ. N 1/154Ա որոշման համաձայն գրանցվել է "Կոնվերս Բանկ" ՓԲԸ կողմից թողարկված պարտատոմսերի ծրագրային ազդագիրը:
Ծրագրային ազդագրի էլեկտրոնային տարբերակը կարող եք ներբեռնել սեղմելով այստեղ, իսկ թղթային տարբերակը՝ ձեռք բերել, այցելելով "Կոնվերս Բանկ" ՓԲԸ գլխամասային գրասենյակ, հասցե՝ ք. Երևան, 0010, Հանրապետության հրապարակ, Վազգեն Սարգսյան 26/1:
Համաձայն ՀՀ Կենտրոնական Բանկի նախագահի 27/05/2022 N 1/244Ա Որոշման հաստատվել է ՀՀ կենտրոնական բանկի նախագահի 2022 թվականի ապրիլի 8-ի թիվ 1/154Ա որոշմամբ գրանցված ծրագրային ազդագրի լրացումը: Լրացման էլետրոնային տարբերակը կարելի է ներբեռնել սեղմելով այստեղ, իսկ թղթային տարբերակը՝ ձեռք բերել, այցելելով "Կոնվերս Բանկ" ՓԲԸ գլխամասային գրասենյակ, հասցե՝ ք. Երևան, 0010, Հանրապետության հրապարակ, Վազգեն Սարգսյան 26/1:
Համաձայն ՀՀ Կենտրոնական Բանկի նախագահի 18/11/2022 N 1/565Ա Որոշման հաստատվել է ծրագրային ազդագրի լրացումը: Լրացման էլետրոնային տարբերակը կարելի է ներբեռնել սեղմելով այստեղ:
Թողարկված դրամային պարտատոմսերի տեղաբաշխումն իրականացվելու է 2022 թվականի նոյեմբերի 22-ից՝ ժամը 09:30-ից մինչև 2023 թվականի մարտի 15-ը՝ ժամը 16:30-ն: Այս տրանշով տեղաբաշխվելու է 3,000,000,000 ՀՀ դրամ անվանական արժեքով պարտատոմս:
Փետրվարի 21-ին ավարտել է ՀՀ դրամով պարտատոմսերի երկրորդ տրանշի տեղաբաշխումը։ Բանկը դիմելու է Հայաստանի ֆոնդային բորսա՝ տեղաբաշխված պարտատոմսերը ցուցակելու համար:
Հայաստանի Ֆոնդային Բորսա ԲԲԸ Գլխավոր տնօրենի 22 մարտի 2023թ. NՑՊ-007-03/23 որոշման համաձայն, "Կոնվերս Բանկ" ՓԲԸ կողմից թողարկված և տեղաբաշխված ՀՀ դրամով պարտատոմսերը ընդգրկվել են Հայաստանի Ֆոնդային Բորսա ԲԲԸ հիմնական Abond ցուցակում:
Որոշումն ուժի մեջ է մտնում սույն թվականի մարտի 27-ից:
Պարտատոմսերի շուկա ստեղծողն է "ԱՐԴՇԻՆԲԱՆԿ" ՓԲԸ-ն :
Պարտատոմսերի էական պայմաններ
| Թողարկող | "Կոնվերս Բանկ" ՓԲԸ |
| Դաս | Անվանական արժեկտրոնային |
| Անվանական արժեք | 50,000 ՀՀ դրամ |
| Ընդհանուր ծավալ | 3,000,000,000 ՀՀ դրամ |
| Շրջանառության ժամկետ | 24 ամիս |
| Արժեկտրոնային եկամտաբերություն | 10․5% |
| Արժեկտրոնների վճարման պարբերականություն | կիսամյակային |
| Տեղաբաշխող | "Կոնվերս Բանկ" ՓԲԸ |
"Ֆիզիկական անձանց բանկային ավանդների հատուցումը երաշխավորելու մասին" ՀՀ օրենքի համաձայն Բանկի կողմից թողարկված անվանական արժեկտրոնային պարտատոմսերով ներգրավված դրամական միջոցները համարվում են երաշխավորված բանկային ավանդ և երաշխավորված են Ավանդների հատուցումը երաշխավորող հիմնադրամի կողմից:
Տեղեկացնում ենք, որ 01.03.20թ.-ից ուժի մեջ է մտել Հարկային Օրենսգրքի փոփոխված տարբերակն, ըստ որի Բանկի կողմից թողարկած պարտատոմսերի արժեկտրոնային եկամուտից ֆիզիկական անձանց համար 10% եկամտային հարկ, իսկ ոչ ռեզիդենտ իրավաբանական անձանց համար՝ 10% շահութահարկ չի գանձվելու:
ՀԱՇՎԻՉ
Պարտատոմսերի ծրագրային ազդագիր
Պարտատոմսերի ծրագրային ազդագրի լրացում
Մեկ պարտատոմսի գինը տեղաբաշխման ընթացքում
Ձեռքբերման հայտ-հանձնարարական իրավաբանական անձանց համար
Ձեռքբերման հայտ-հանձնարարական ֆիզիկական անձանց համար