ՀՀ Կառավարության Արտադրական կարողությունների արդիականացման միջոցառում
ՀՀ Կառավարության ԱՐՏԱԴՐԱԿԱՆ ԿԱՐՈՂՈՒԹՅՈՒՆՆԵՐԻ ԱՐԴԻԱԿԱՆԱՑՄԱՆ ՄԻՋՈՑԱՌՄԱՆ շրջանակներում տրամադրվող Վարկի/Լիզինգի տոկոսագումարների սուբսիդավորում
Միջոցառման նպատակն է տնտեսվարողների համար ստեղծել մատչելի ֆինանսական միջոցների հասանելիություն՝ արդիականացնելու արտադրական հնարավորությունները և խթանելու նոր տեխնոլոգիաների ներմուծումը Հայաստանի Հանրապետություն:
Նպատակ
Վարկը/Լիզինգը տրամադրվում է Նոր (չօգտագործված) սարքերի և սարքավորումների գնման կամ ներմուծման նպատակով, պայմանով, որ գնորդի և մատակարարի միջև պայմանագիրը կնքվել է 2021 թվականի փետրվարի 1-ից հետո, և տվյալ սարքերը և սարքավորումները պետք է օգտագործվեն ՀՀ-ում արտադրություն կազմակերպելու կամ արտադրությունն ընդլայնելու նպատակով:
Վարկառու/Լիզինգառու
Հայաստանի Հանրապետության կամ Լեռնային Ղարաբաղի տարածքում գրանցված և փաստացի գործունեություն իրականացնող մասնավոր առևտրային կազմակերպությունը կամ անհատ ձեռնարկատերը, որն ապահովում է ստորև թվարկված բոլոր չափանիշներին համապատասխանությունը՝
1) ունի բարվոք վարկային պատմություն, այսինքն, ըստ ԱՔՐԱ տեղեկատվության` վարկի համար դիմելու ամսաթվին նախորդող 12 ամիսների ընթացքում չի ունեցել գումարային 30 օր և ավելի ժամկետով ժամկետանց վարկային պարտավորություններ.
2) ունի բարվոք հարկային պատմություն, այսինքն, վարկի/լիզինգի հայտը ներկայացնելուն նախորդող օրվա դրությամբ առկա ժամկետանց հարկային պարտավորությունները չեն գերազանցել նախորդող տարվա ընթացքում միասնական գանձապետական հաշվից մարված հարկային պարտավորությունների, վճարված պետական տուրքի գումարների և նախորդող տարվա դեկտեմբերի 31-ի դրությամբ միասնական գանձապետական հաշվի մնացորդի հանրագումարի 1 տոկոսը
Արժույթ
ՀՀ դրամ կամ արտարժույթ
Վարկի/Լիզինգի գումար
Մեկ տնտեսվարողին տրամադրվող առավելագույն գումար` 1 մլրդ ՀՀ դրամ կամ համարժեք արտարժույթ
Սույն Ծրագրի շրջանակներում տնտեսվարողը , որի կանոնադրական կապիտալում 200 մլն դրամ և ավելի գումարի չափով ներդրում է կատարվել 2021թ. հունվարի 1-ից հետո՝ տրամադրվող առավելագույն գումարը սահմանվում է կանոնադրական կապիտալում կատարված ներդրման հնգապատիկի չափով, բայց ոչ ավելի քան 10 մլրդ դրամ, իսկ արտարժույթով վարկավորման դեպքում՝ 5 մլրդ դրամին համարժեք:
Ժամկետ
| Տեսակը | Տրամադրվող վարկի/լիզինգի գումարը | Սուբսիդավորման ժամանակահատվածը | Վարկի/Լիզինգի ժամկետը |
| Մեքենասարքավորումներ և դրանց բաղկացուցիչ մասեր |
մինչև 200 մլն դրամին համարժեք գումար | մինչև 42 ամիս | մինչև 120 ամիս |
| ավելի քան 200 մլն դրամին համարժեք գումար | մինչև 36 ամիս | մինչև 120 ամիս |
Տարեկան տոկոսադրույք
| ՀՀ դրամ | Արտարժույթ | |
| Վարկ | 13.0%-15.0% | 6.5%-11.0% |
| Լիզինգ | 13.0%-15.0% | 6.5%-11.0% |
| Փաստացի տոկոսադրույք | սուբսիդավորման գումարը ներառված` 13.78 - 24.00% առանց սուբսիդավորման գումարի` 7.34 - 24.00% |
սուբսիդավորման գումարը ներառված` 6.69 - 24.00% առանց սուբսիդավորման գումարի` 3.10 - 24.00% |
| Ակրեդիտիվ | 3.5%-5% | |
Սուբսիդավորման չափը
| ՀՀ դրամ | Արտարժույթ | |
| Վարկ/Ակրեդիտիվ | 8% | 6% |
| Լիզինգ | 10% | 8% |
Ժամկետ
Մինչև 120 ամիս
Վարկի/Լիզինգի մայր գումարի մարման արտոնյալ ժամանակահատված՝ մինչև 6 ամիս
Վճարներ
Տրամադրման և սպասարկման ընթացքում միջնորդավճարներ, վաղաժամկետ մարման համար տույժեր/տուգանքներ կամ այլ վճարներ չեն կիրառվում
Ակրեդիտիվ
Սույն միջոցառման շրջանակներում վարկ է համարվում նաև փաստաթղթային ակրեդիտիվը և փաստաթղթային ակրեդիտիվի միջոցով տրամադրվող ֆինանսավորումը, որը ևս ենթակա է սուբսիդավորման վարկի պայմաններով:
Այլ պայմաններ
- Վարկային միջոցների օգտագործման կարգը՝ միայն անկանխիկ և բանկայի փոխանցումներով
- Վարկի/լիզինգի առարկայի արժեքը ներառում է վարկի/լիզինգի առարկայի ձեռք բերման գինը, ՀՀ ներմուծման հետ կապված ծախսերը /տեղափոխում, այդ թվում՝ տեղափոխման հետ կապված այլ ծախսեր, մաքսաղերծում, ավելացված արժեքի հարկ և այլն
- Այն դեպքում, երբ կառուցվածքը /կոնստրուկցիան/ կազմում է վարկով/լիզինգով ձեռք բերվող տեխնոլոգիական սարքավորման անբաժանելի մաս, ապա կառուցվածքը կարող է դիտարկվել որպես վարկի/լիզինգի առարկա
-Մեքենասարքավորումների և դրանց բաղկացուցիչ մասերի լիզինգի տոկոսադրույքի սուբսիդավորման հաշվարկումը՝
ա. լիզինգի պայմանագրի շրջանակներում լիզինգի առարկայի ձեռքբերման համար ֆինանսական կազմակերպությունների կողմից վճարված գումարների և լիզինգառուի կողմից որպես կանխավճար վճարված գումարների դրական տարբերության վրա՝ սկսած վերոնշյալ գումարների վճարման օրվանից մինչև լիզինգի առարկայի հանձնման-ընդունման ակտերի ստորագրման օրը հաշվարկվում է տոկոս, որը չի կարող գերազանցել լիզինգի՝ պայմանագրով սահմանված տարեկան տոկոսադրույքը
բ. սույն ենթակետի <ա > պարբերությունում հաշվարկված տոկոսագումարը սուբսիդավորվում է մեքենասարքավորման և դրա բաղկացուցիչ մասի հանձնման ընդունման ակտի ստորագրումից հետո միանվագ՝ ծրագրով սահմանված ընթացակարգով: Ընդ որում, մատակարարման փուլի սուբսիդավորումը կատարվում է մինչև 180 օր ժամկետի համար՝ սկսած լիզինգի պայմանագրի կնքման օրվանից, իսկ 180 օր ժամկետը գերազանցող ժամկետի համար տոկոսների վճարման պարտականությունը կրում է լիզինգառուն
գ. լիզինգի առարկան չմատակարարվելու կամ այլ հանգամանքներով պայմանավորված հանձնման-ընդունման ակտը չստորագրվելու դեպքում՝ սույն ենթակետի <բ> պարբերությունում նշված տոկոսագումարը ենթակա չէ սուբսիդավորման և տոկոսագումարի վճարման պարտականությունը կրում է լիզինգառուն
-Մեքենասարքավորումների և դրանց բաղկացուցիչ մասերի վարկի տոկոսադրույքի սուբսիդավորման հաշվարկումը՝
ա. վարկային պայմանագրի շրջանակներում մեքենասարքավորումների և դրանց բաղկացուցիչ մասերի ձեռքբերման համար վարկառուի կողմից որպես կանխավճար վճարված գումարի վրա կանխավճարի վճարման օրվանից մինչև վարկի առարկայի հանձնման-ընդունման ակտի ստորագրման ամսաթիվըհաշվարկվում է տոկոսադրույք /կամ դրան հավասարեցված գումար/: Նշված տոկոսադրույքը սուբսիդավորվում է մեքենասարքավորման և դրա բաղկացուցիչ մասի հանձնման ընդունման ակտի ստորագրումից հետո միանվագ՝ ծրագրով սահմանված ընթացակարգով և չի կարող գերազանցել վարկի պայմանագրով սահմանված տարեկան տոկոսադրույքը: Ընդ որում, մատակարարման փուլի սուբսիդավորումը կատարվում է մինչև 180 օր ժամկետի համար՝ սկսած վարկի պայմանագրի կնքման օրվանից, իսկ 180 օր ժամկետը գերազանցող ժամկետի համար տոկոսների վճարման պարտականությունը կրում է վարկառուն
բ. մեքենասարքավորումները և դրանց բաղկացուցիչ մասերը չմատակարարվելու դեպքում ՝ սույն ենթակետի <ա> պարբերությունում նշված տոկոսագումարը ենթակա չէ սուբսիդավորման և տոկոսագումարի վճարման պարտականությունը կրում է վարկառուն:
Սույն միջոցառման իմաստով նպատակային է համարվում այն վարկ/լիզինգը, որը տրամադրվել է ստորև ներկայացված Տնտեսական գործունեության տեսակների դասակարգիչների համաձայն.
C (Սի) "Մշակող արդյունաբերություն"
B (Բի) "Հանքագործական արդյունաբերություն և բացահանքերի շահագործում", բացառությամբ Կանոնադրական կապիտալում 2021թ. և դրանից հետո ներդրում իրականացրած տնտեսվարողների համար նախատեսված առանձնահատկությունների դեպքերի
J (Ջեյ) "Տեղեկատվություն և կապ"
F (ԷՖ) "Շինարարություն"
H (ԷՅՋ) "Փոխադրում և պահեստային տնտեսություն"
M (ԷՄ) "Մասնագիտական, գիտական և տեխնիկական գործունեություն"
P (ՓԻ) "Կրթություն"
Q (ՔՅՈՒ) "Առողջապահություն և բնակչության սոցիալական սպասարկում"
մանրասները ստորև հղումով՝
Տնտեսական գործունեության դասակարգիչներ
Սույն միջոցառումը գործելու է մինչև 2023 թվականի դեկտեմբերի 31-ը։