Թեժ գիծ +37410 511 211

eCommerce

eCommerce

Կոնվերս Բանկն այսուհետ Visa International և MasterCard քարտերի միջոցով կիրականացնի միջազգային էլեկտրոնային առևտրի սպասարկում՝ 3D Secure համակարգով:

Ծառայությունը նախատեսված է էլեկտրոնային խանութների և այն կազմակերպությունների համար, որոնք ցանկանում են իրենց կայքում ունենալ էլեկտրոնային վճարման հնարավորություն՝ ArCa, MasterCard և VISA վճարահաշվարկային համակարգերի քարտերով: Համակարգը ապահովում է էլեկտրոնային վճարումների առցանց ընդունման անվտանգության նորագույն 3D Secure ստանդարտներ (verified by Visa, MasterCard Secure Code): Նոր վճարման համակարգը էլեկտրոնային խանութների համար ստեղծում է նոր հնարավորություններ և առավելություններ.

  • Գործարքի ընթացքում ապահովում է քարտապանի նույնականացում (բողոքարկումների զգալի ցածր մակարդակ՝ գործառնական ծախսերի նվազեցում),
  • Միջազգային VISA և MasterCard քարտերով վճարումների ընդունման հնարավորություն (պոտենցիալ գնորդների ապահովում),
  • Զեղծարարության մակարդակի նվազեցում,
  • Էլեկտրոնային խանութի հաճախորդների համար հարմարավետ պայմանների ապահովում:

Կազմակերպությունը պետք է առաջին հերթին ունենա էլեկտրոնային կայք և հանդիսանա ՀՀ-ում գրանցված և գործող իրավաբանական անձ, ինչպես նաև բավարարի էլեկտրոնային խանութի համար վճարահաշվարկային համակարգերի կողմից սահմանաված նվազագույն պահանջներին:

Ծառայությունից օգտվելու համար Կազմակերպությունը կարող է առցանց լրացնել սպասարկման Դիմում-Հայտ այն ուղարկելով Բանկի հետևյալ հասցեին՝ onlinepayments@conversebank.am, կամ մոտենալ ցանկացած Բանկի մասնաճյուղ Դիմում-Հայտը լրացնելու համար:

Բանկը կատարում է Դիմում-Հայտի ուսումնասիրություն և հինգ աշխատանքային օրվա ընթացքում տեղեկացնում է Կազմակերպությանը Բանկի դրական կամ բացասական պատասխանի մասին: