Բաց ընթացակարգով մրցույթի անցկացում
ՀԱՅՏԱՐԱՐՈՒԹՅՈՒՆ
ԲԱՑ ԸՆԹԱՑԱԿԱՐԳՈՎ ՄՐՑՈՒՅԹԻ ԱՆՑԿԱՑՄԱՆ ՄԱՍԻՆ
"Կոնվերս Բանկ" ՓԲԸ (այսուհետ՝ "Բանկ"), որը գտնվում է ՀՀ, ք. Երևան Վազգեն Սարգսյան 26/1 հասցեում, հայտարարում է բաց ընթացակարգով մրցույթ` Բանկի գլխավոր գրասենյակի Վ. Սարգսյան 26/1 հասցեում գտնվող տարածքի, Երևան քաղաքի և մարզերում գտնվող մասնաճյուղերի ու բանկոմատների ամենօրյա մաքրության և ընթացիկ սպասարկման համար մատակարար կազմակերպություն ընտրելու նպատակով:
ԼՈՏ 1 - "Կոնվերս Բանկ" ՓԲԸ գլխավոր գրասենյակ, հասցե՝ ք. Երևան, Վ. Սարգսյան 26/1, Երևան քաղաքում և մարզերում գտնվող մասնաճյուղեր
ԼՈՏ 2 - Բանկի Երևան քաղաքի տարածքում տեղադրված բանկոմատներ
Ընդհանուր տեղեկատվություն գնվող ծառայության մատուցման վայրերի մասին |
|
Գործընթացին (համագործակցության) ներկայացվող պահանջներ և պայմաններ, ծառայությունների ցանկը |
ներառում են`
Հիմնովին մաքրությունն իրականացվում է առնվազն ամսական մեկ անգամ,
Բանկոմատների մաքրությունն իրականացվում է շաբաթը 2 անգամ: |
Կազմակերպությունը պետք է ունենա`
- համապատասխան գործունեություն իրականացնեու թույլտվություն (լիցենզիա),
- տվյալ ոլորտում առնվազն 3 տարվա սպասարկման/աշխատանքային փորձ:
Մրցութային հայտերի ընդունման վերջնաժամկետը` 10.06.2020 թվականը` ժամը 18:00: Մրցութային առաջարկները, կազմված սույն հրավերին և կից հավելված 1-ի համաձայն, անհրաժեշտ է ներկայացնել "Կոնվերս բանկ" ՓԲԸ-ի գլխավոր գրասենյակ` ք. Երևան, Վ. Սարգսյան 26/1 հասցեով, առձեռն, փակ, կնքված և ստորագրված ծրարով (Բանկի Գրասենյակային Գործառնությունների բաժնի մասնագետ Մարիամ Նազարյանին, ներքին հեռախոսահամար՝ 2350, 1238):
Մրցույթի մասնակիցները կարող են զննել Բանկի տարածքը հայտի ներկայացման համար նախատեսված աշխատանքային օրերի ընթացքում: Մրցույթին մասնակցելու համար մասնակիցը "Կոնվերս բանկ" ՓԲԸ ներկայացնում է մրցութային հայտ` համաձայն հավելված 1-ի` կցելով անհրաժեշտ տեղեկատվություն պարունակող լրացուցիչ փաստաթղթեր և նյութեր: Մրցութային հայտը և կից ներկայացվող փաստաթղթերը և նյութերը ներկայացվում են փակ, կնքված ծրարով: Ծրարի վրա կատարվում են հետևյալ գրառումները.
- "Կոնվերս բանկ" ՓԲԸ,
- ""Կոնվերս բանկ" ՓԲԸ ամենօրյա մաքրության և ընթացիկ սպասարկման համար մրցութային հայտ",
- Կազմակերպության անվանումը, հասցեն, հեռախոսահամարը, ինտերնետային կայքի հասցեն (առկայության դեպքում),
- Չբացել մինչև մրցույթի հայտերի բացման նիստը,
Ծրարում հայտից բացի մրցույթի մասնակցի հայեցողությամբ կարող է ներառվել Պայմանագրի կնքման համար անհրաժեշտ այլ տեղեկություն, փաստաթղթեր և նյութեր:
Մրցույթին կարելի է մասնակցել ՝ ինչպես երկու լոտերով, այնպես էլ լոտերից որևէ մեկով` ծառայության առաջարկով:
Ընդ որում՝ յուրաքանչյուր լոտի համար անհրաժեշտ է ներկայացնել առանձին հայտ:
*Հայտերը ներկայացնել հիգիենիկ պարագաներ և նյութեր պարունակող գնառաջարկներով, ինչպես նաև առանց դրանց:
Մրցույթում հաղթող է ճանաչվում այն մասնակիցը, ով սահմանված պահանջների շրջանակներում ներկայացնում է ամենացածր գինը: Եթե երկու և ավելի կազմակերպություններ առաջարկել են միևնույն գինը և որակական հատկանիշները, ապա հավասար պայմաններ առաջարկող կազմակերպությունները կարող են հրավիրվել Բանկ` առաջարկի գնի վերջնական տարբերակի վերաբերյալ բանակցությունների իրականացման համար: Գործարքը կնքվում է բանակցություների արդյունքում ամենացածր գին առաջարկող կազմակերպության հետ:
"Կոնվերս բանկ" ՓԲԸ-ն մրցույթի հաղթողի հետ կնքում է պայմանագիր մեկ տարի ժամկետով` երկարաձգման հնարավորությամբ: Մրցույթում հաղթող կազմակերպությանը վճարումները կիրականացվեն անկանխիկ` (փոխանցումով) "Կոնվերս բանկ" ՓԲԸ-ում մասնակիցների գործող բանկային հաշիվների միջոցով:
Պայմանագրի կնքումից հաղթող ճանաչված մասնակիցը կարող է հրաժարվել նախագիծը ստանալուց հետո 3 /երեք/ օրյա ժամկետում: Ժամկետի խախտմամբ Պայմանագրի կնքումից հրաժարվելու դեպքում հաղթող ճանաչված մասնակիցը Բանկին կվճարի տուգանք ներկայացված գնառաջարկի 1.5 /մեկ ամբողջ հինգ տասնորդական/ տոկոսի չափով:
Հաղթող ճանաչված մասնակցի կողմից Պայմանագիր չկնքելու դեպքում, այն կարող է առաջարկվել կնքել մրցույթում երկրորդ տեղը զբաղեցրած մասնակցին:
Հայտերը պետք է կազմված լինեն հայերենով:
Հայտնում ենք, որ Բանկը ցանկացած ժամանակ կարող է չեղյալ հայտարարել մրցույթը:
Մրցույթին մասնակցելու և լրացուցիչ տեղեկություններ ստանալու համար կարող եք դիմել "Կոնվերս բանկ" ՓԲԸ Սպասարկման և Գնումների բաժին` (+374 10) 511 205 ներքին 1207 կամ +37410 511 211 ներքին 2139 հեռախոսահամարներով (Գոհար Ամիրյանին, Արտյոմ Ստեփանյանին) կամ ուղարկել հաղորդագրություն [email protected], [email protected] էլեկտրոնային փոստի հասցեներին:
Հայտարարված է` 25.05.2020