Արամ Խաչատրյանի տուն-թանգարանում տեղի է ունեցել մամուլի ասուլիս՝ նվիրված Կոնվերս Բանկի 20-ամյակին:

Կոնվերս Բանկի գործադիր տնօրեն Տիգրան Դավթյանն իր խոսքում նշել է, որ հիմնադրման օրվանից ի վեր Կոնվերս Բանկին հաջողվել է կայուն զարգանալ տնտեսական տարբեր փուլերի ընթացքում՝ այսօր արդեն հաստատվելով որպես Հայաստանի Հանրապետության առաջատար բանկերից մեկը:
Վերջին մեկ տարվա ընթացքում Բանկի հաճախորդների թվաքանակն աճել է ավելի քան 40%-ով, իսկ տրամադրած պլաստիկ-քարտերինը՝ 90%-ով՝ գերազանցելով 100 000-ի սահմանագիծը, հայտնել են բանկում:
Հաշվի առնելով, որ այս տարի լրանում է հայ մեծանուն կոմպոզիտոր Արամ Խաչատրյանի 110-ամյակը, բանկն իր հոբելյանական տարվա ծրագրում նախատեսել է մի շարք միջոցառումներ՝ նվիրված աշխարահռչակ հայ կոմպոզիտորին: Մասնավորապես, ծրագրի շրջանակներում Կոնվերս Բանկը կհամագործակցի Արամ Խաչատրյանի տուն-թանգարանի տնօրենության եւ Արամ Խաչատրյանի անվան եռյակի հետ՝ նպաստելով մեծանուն կոմպոզիտորի թողած հարուստ երաժշտական ժառանգության պահպանմանն ու տարածմանը:

Մանրամասն՝ http://www.banks.am/am/news/newsfeed/8018/
http://1in.am/arm/armenia_economy_171699.html