Կոնվերս Բանկն իր հիմնական գործունեությանը զուգահեռ մշտապես ձգտում է մասնակցել երկրի մշակութային արժեքների պահպանմանը, տարածմանն ու զարգացմանը: “Մշակութային երկխոսությունները” Բանկի համար արդեն դարձել են բարի ավանդույթ:

Առաջիկայում Կոնվերս Բանկի և “ՌԵԱՆԻՄԱՆԻԱ” միջազգային անիմացիոն կինոփառատոնի կազմակերպիչների համատեղ ջանքերով կանցկացվեն հայկական անիմացիայի 75-ամյակին նվիրված ֆիլմերի բացօթյա ցուցադրումներ, որոնք տեղի կունենան օգոստոսի 17-ից հոկտեմբերի 31–ը՝ յուրաքանչյուր շաբաթ երեկո, Երևանի Սիրահարների այգու Ռոբերտ Պողոսյանի ամֆիթատրոնում: Այցելուները հնարավորություն կունենան վայելելու հայկական անիմացիայի վարպետների ճանաչված ու սիրված ֆիլմերը:

Այդ ընթացքում՝ հոկտեմբերի 26-ին կմեկնարկի նաև «ՌԵԱՆԻՄԱՆԻԱ» միջազգային անիմացիոն 5-րդ կինոփառատոնը, որը կընթանա մինչև հոկտեմբերի 31-ը: Հայ անիմատորների հետ մեկտեղ փառատոնին հրավիրված են մասնակցելու արտերկրի անիմացիոն արվեստի առաջատար մասնագետները:

Հայկական անիմացիայի հոբելյանական ծրագրի շրջանակներում կանցկացվի նաև “Լավագույն անիմացիոն հոլովակ” թեմատիկ մրցույթ, որի նպատակն է խթանել հայ երիտասարդ անիմատորների գործունեությունը, ներգրավել նոր երիտասարդների և օգնել նրանց կատարելու իրենց առաջին քայլերը։ Մրցույթի հաղթողների համար Կոնվերս Բանկը սահմանել է հատուկ մրցանակներ, որոնք հանդիսավորությամբ կհանձնվեն «ՌԵԱՆԻՄԱՆԻԱ» փառատոնի ավարտին:

Հիշեցնենք, որ 2013 թվականը Կոնվերս Բանկի համար ևս հոբելյանական է: “Մշակութային երկխոսությունները” անց են կացվում Բանկի 20-ամյակին նվիրված միջոցառումների շրջանակներում:

Մանրամասները՝

http://www.banks.am/am/news/newsfeed/8558/

http://blognews.am/arm/press/75656/konvers-banky-haykakan-animaciayi-75-amyakin-nvirvats-bacotya-cucadrumneri-hovanavor.html

http://news.am/arm/news/166864.html

http://shamshyan.com/arm/2013-08-14-converse.html

http://www.1in.am/arm/business_companies_206495.html

http://www.size.am/news-am-Konvers-banky-Haykakan-animaciayi-75-amyakin-nvirvac-bacotya-cucadrumneri-hovanavor-(foto).html

http://newsarmenia.ru/culture/20130814/42919585.html

http://100storon.ru/default/20130814/264509334.html

http://nsng.ru/2013/08/14/pokazy-multfilmov-armyanskix-masterov-projdut-v-erevane-k-75-letiyu-armyanskoj-animacii.html

http://www.youtube.com/watch?v=zl0wuYnzKgc&feature=youtu.be