Նոտարի դեպոզիտ հաշիվներ
Նոտարի դեպոզիտ հաշիվները բացվում են այդ հաշվին մուտքագրվող դրամական միջոցները ընդունելու, հաշվից փոխանցումներ կատարելու, համապատասխան գումարներ տալու և հաշվով այլ գործառնություններ իրականացնելու վերաբերյալ նոտարի կարգադրությունները կատարելու նպատակով:
Նոտարի դեպոզիտ հաշիվը կարող է օգտագործվել միայն օրենքով նախատեսված` նոտարի դեպոզիտ մուտքագրման ենթակա դրամական միջոցներով գործառնություններ իրականացնելու համար:
Նոտարի դեպոզիտ հաշիվների բացման դեպքում անհրաժեշտ է ներկայացնել հետևյալ փաստաթղթերը`
- Նոտարի պաշտոնավարումը հավաստող վավեր փաստաթուղթ (վկայական, հավաստագիր կամ այլ):
- Բանկի կողմից տրամադրվող ձևաթղթերով՝
- Հաշվի բացման դիմում ֆիզիկական անձ/իրավաբանական անձ և անհատ ձեռնարկատեր հաճախորդների համար
Կառուցապատողի հատուկ հաշիվների բացում և վարում
Կառուցապատողի հատուկ հաշիվն այն բանկային հաշիվն է, որի վրա կատարվում են կառուցվող շենքից անշարժ գույք գնելու իրավունքի պայմանագրով գնորդի` կառուցապատողին կանխավճարային վճարումները:
Կառուցապատողի հատուկ հաշվի բացման դեպում ներկայացվում են հետևյալ փաստաթղթերի բնօրինակները՝
- Անշարժ գույքի առուվաճառքի պայմանագիր:
- Կառուցապատողի և գնորդի միջև դրամական միջոցների գրավի պայմանագիր:
- Կառուցվող շենքի շինարարության ավարտը կամ սեփականության իրավունքի փոխանցումը կամ շենքի շահագործման թույլտվության ստացումը հիմնավորող փաստաթղթեր, եթե գումարները փոխանվելու են կառուցապատողին մինչև Գործարքի ավարտը:
- Գործարքի պայմաններով նախատեսված դեպքում՝ այլ փաստաթղթեր:
Բանկի կողմից տրամադրվող ձևաթղթերով՝
- Հաշվի բացման դիմում ֆիզիկական անձ/իրավաբանական անձ և անհատ ձեռնարկատեր հաճախորդների համար
Անվանատիրոջ հաշիվների բացում և սպսարկում
Անվանատիրոջ հաշիվը կարող է օգտագործվել միայն ներդրումային ծառայություններ մատուցող անձի և ներդրումային ֆոնդի կառավարչի (պահառուի) կողմից ներդրումային ծառայությունների մատուցման կամ ներդրումային ֆոնդերի կառավարման (պահառության) հետ կապված գործառնությունների իրականացման համար:
Միանվագ դրամական վճարների հաշիվներ
Միանվագ դրամական վճարների հաշվի պայմանագիր է համարվում Հայաստանի Հանրապետության կառավարության լիազորած պետական մարմնի և Բանկի միջև կնքված այն պայմանագիրը, որով Բանկը պարտավորվում է Հայաստանի Հանրապետության կառավարության լիազորած պետական մարմնի տրամադրած՝ բանկային հաշիվ բացելու համար անհրաժեշտ տվյալների հիման վրա բացել բանկային հաշիվ (միանվագ դրամական վճարների հաշիվ) և այդ հաշվին մուտքագրել միայն Հայաստանի Հանրապետության պետական բյուջեից վճարվող՝ սոցիալական պաշտպանության (ապահովության) ծրագրերով նախատեսված միանվագ բնույթ կրող (այդ թվում՝ որոշակի ժամկետով տրվող) նպաստների և դրամական այլ վճարների գումարները։
Սոցիալական ապահովության հաշիվներ
Սոցիալական ապահովության հաշվի պայմանագիր է համարվում Հայաստանի Հանրապետության կառավարության լիազորած պետական մարմնի և Բանկի միջև կնքված այն պայմանագիրը, որով Բանկը պարտավորվում է Հայաստանի Հանրապետության կառավարության լիազորած պետական մարմնի տրամադրած՝ բանկային հաշիվ բացելու համար անհրաժեշտ տվյալների հիման վրա բացել բանկային հաշիվ (սոցիալական ապահովության հաշիվ) և այդ հաշվին մուտքագրել միայն Հայաստանի Հանրապետության պետական բյուջեից վճարվող՝ սոցիալական պաշտպանության (ապահովության) ծրագրերով նախատեսված կենսաթոշակների, պարբերական բնույթ կրող (որոշակի կամ անորոշ ժամկետով տրվող) նպաստների և դրամական այլ վճարների գումարները։ Անձը հաճախորդի (սոցիալական ապահովության հաշվի տիրոջ) իրավունքներ է ձեռք բերում գումարը այդ հաշվին մուտքագրելու պահից։