Բացվեց "Արտաշատ" մասնաճյուղի նոր մասնաշենքը
07.10.2008
Հոկտեմբերի 6-ին տեղի ունեցավ Կոնվերս Բանկ ՓԲԸ-ի Արտաշատ մասնաճյուղի նոր մասնաշենքի հանդիսավոր բացումը:
"Արտաշատ" մասնաճյուղը ևս նախորդների նման վերակառուցված է ժամանակակից ոճով և հաճախորդների համար հարմարավետ պայմաններով: Հատկանշական է, որ մասնաճյուղի բացման պատիվը /կարմիր ժապավենի կտրումը/ բանկի գործադիր տնօրենի հետ վերապահվեց նաև բանկի հավատարիմ հաճախորդներից մեկին` "Արտֆուդի" տնօրեն Սերգո Կարապետյանին:Ինչպես նշեց բանկի գործադիր տնօրեն Արարատ Ղուկասյանը, Արտաշատում բարձրակարգ մասնաճյուղի բացմամբ բանկը վերահաստատում է իր քաղաքականությունը ողջ հանրապետությունով ընդլայնվելու ուղղությամբ: Նա տեղեկացրեց նաև, որ "Կոնվերս Բանկը" սկսել է ագրոֆինանսավորման լայնածավալ ծրագիր, որի շրջանակներում գյուղացիներին ցածր տոկոսադրույքով վարկեր են տրվում:
"Արտաշատ" մասնաճյուղը հանրությանը կմատուցի ունիվերսալ բանկին հատուկ բանկային ծառայությունների ողջ փաթեթը:
"Կոնվերս Բանկ" ՓԲԸ-ն ներկայումս ունի 25 մասնաճյուղ, որոնք սփռված են հանրապետության ողջ տարածքով մեկ: